بجلی کے گھریلو صارفین پر فکسڈ چارجز عائد کردیے گئے

اسلام آباد: نیپرا نے بجلی کے گھریلو صارفین پر فکسڈ چارجز عائد کردیے۔
اے آر وائی نیوز کے مطابق نیپرا نے پاور ڈویژن کی درخواست پر فیصلہ جاری کردیا ہے، فکسڈ چارجز پروٹیکٹڈ اور نان پروٹیکٹڈ دونوں صارفین پر لگائے گئے ہیں۔
اس سے قبل 300 یونٹ سے زائد استعمال پر نان پروٹیکٹڈ صارفین پر فکسڈ چارجز عائد تھے۔
ماہانہ 100 یونٹ استعمال کرنے والے پروٹیکٹڈ صارفین پر 200 روپے فکسڈ چارجر عائد کیے گئے ہیں جبکہ ماہانہ 200 یونٹ بجلی کے پروٹیکٹڈ گھریلو صارفین 300 روپے ماہانہ فکسڈ چارجز لگائے گئے ہیں۔